ՀԱՅԱՍՏԱՆ

Հայաստանի մասին Հայաստանի գանձերը

ՀԱՅԱՍՏԱՆԻ ՄԱՍԻՆ

Աշխարհի հնագույն մայրաքաղաքներից մեկն է Երևանը, որը հիմնադրվել է մ.թ.ա. 782թ.: Այն 29 տարով մեծ է Հռոմից:

Պաշտոնական անվանումը` Հայաստանի Հանրապետություն (Հայաստան):

Մայրաքաղաքը` Երևան:

ԲԱՑԱՀԱՅՏԻՐ ՀԱՅԱՍՏԱՆԸ

Հայաստանը հրաշքների երկիր է… եթե ինձ հարցնեին, թե որտեղ մեր մոլորակի վրա կարելի է հանդիպել ավելի շատ հրաշքների, ես ամենից առաջ կտայի Հայաստանի անունը...
Ռոքուել Քենթ

Աշխարհագրական սահմանները` Հայաստանին սահմանակցում են 4 պետություններ:
Հայաստանի Հանրապետությունը հյուսիսից սահմանակից է Վրաստանին, արևելքից` Ադրբեջանին, հարավից` Իրանին, արևմուտքից` Թուրքիային:
Տարածքը` Հայաստանը զբաղեցնում է 29.74 հազար կմ: Այն լեռնային երկիր է` չորս կողմից շրջապատված ցամաքով: Միջին բարձրությունը ծովի մակարդակից 1800մ է:

Ամենաբարձր գագաթը` Արագած լեռ (4090մ):

Ամենաընդարձակ ջրային ծածկույթը` Սևանա լիճ (մակ 4,890կմ, բարձր է ծովի մակերևույթից 1900մ):

Եղանակը` Հայաստանյան կլիման չոր արեւադարձային է: Տարվա մեջ հիմնականում գերիշխում են արեւաշատ օրերը: Այստեղ շոգ ամառներ են, ջերմաստիճանը տատանվում է +22 C մինչեւ +36 C - ի միջեւ: Ձմեռները հիմնականում կարճ են ու ցուրտ` միջինը -15 C մինչեւ -1 C: Բարձր լեռների գագաթները պատված են հավերժական ձնաշերտով, մինչդեռ դրանց ստորոտներն ալպյան մարգագետիններ են: Հայաստան այցելելու լավագույն ժամանակը գարնանից աշունն է: Ամենօրյա եղանակային կանխատեսումներին կարելի է ծանոթանալ հետեւյալ ինտերնետային էջում http://www.meteo.am:

Վարչական բաժանումը` Այժմյան Հայաստանը վարչականորեն բաժանվում է երկու հանրապետությունների` Հայաստանի Հանրապետություն (ՀՀ) և Լեռնային Ղարաբաղի Հանրապետություն (ԼՂՀ):

ՀՀ բաժանվում է 10 վարչական մարզերի
և մայրաքաղաք Երևանի:

Մարզ	Մարզկենտրոն
Արագածոտն	ք. Աշտարակ
Արարատ	ք. Արտաշատ
Արմավիր	ք. Արմավիր
Գեղարքունիք	ք. Գավառ
Կոտայք	ք. Հրազդան
Լոռի	ք. Վանաձոր
Շիրակ	ք. Գյումրի
Սյունիք	ք. Կապան
Տավուշ	ք. Իջևան
Վայոց Ձոր	ք. Եղեգնաձոր
Երևան

Կազմավորման տարեթիվը` 21.09.1991թ.` Հայաստանի անկախության հանրաքվեի անցկացման օրը: Հանրաքվեի արդյունքների հիման վրա (99տոկոս կողմ):
Հանրապետության խորհրդարանը (Հայկական ԽՍՀ Գերագույն խորհուրդն) ընդունել է «Անկախության մասին հռչակագիրը» և հռչակել Հայաստանի Հանրապետության անկախությունը: Սեպտեմբերի 21-ը նշվում է որպես Անկախության տոն:

Հայկական դրոշը և զինանշանը

Եռագույն է, կարմիր, կապույտ, ծիրանագույն (վերևից ներքև), հավասարաչափ հորիզոնական շերտերով ուղղանկյուն պաստառ է: Կարմիրը խորհրդանշում է հայկական լեռնաշխարհը, անկախության համար հայ ժողովրդի թափած արյունը, քրիստոնեական հավատքը, ազատությունն ու անկախությունը: Մուգ կապույտը խորհրդանշում է խաղաղ երկնքի տակ ապրելու ձգտումը, նարնջագույնը՝ ժողովրդի ստեղծարար աշխատանքը։

Կառավարման համակարգը` Նախագահական Հանրապետություն:
Խորհրդարանը` Ազգային ժողով, 131 պատգամավոր:
Բնակչությունը՝ Բնակչության թիվը Հայաստանում 3 միլիոն է:
Էթնիկ կազմը՝ 96 տոկոս հայեր, ազգային փոքրամասնությունները` ռուսներ, եզդիներ, քրդեր, ասորիներ, ուկրաինացիներ, հրեաներ:
Սփյուռքը` Հայաստանն ունի համեմատաբար մեծ սփյուռք` 8 միլիոն ամբողջ աշխարհում: Ամենախոշոր հայկական համայնքները ներառում են Ռուսաստանը, Ֆրանսիան, Իրանը, Միացյալ Նահանգները, Վրաստանը, Սիրիան, Լիբանանը, Արգենտինան, Ավստրալիան, Կանադան, Հունաստանը, Կիպրոսը, Իզրաելը, Լեհաստանը, Ուկրաինան։

Պետական լեզուն՝ հայերենն է։ Հայերենը հնդեվրոպական լեզվաընտանիքի առանձին ճյուղ է և այդ ընտանիքի ամենահին գիրն ունեցողներից է: Հայոց այբուբենը ստեղծել է Մեսրոպ Մաշտոցը 405-406թթ.: Այբուբենն ունի 39 տառ , որոնք նմանություն չունեն աշխարհում որևիցէ այլ տառատեսակի հետ:

Կրոնը՝ Քրիստոնեություն: Բնակչության բացարձակ մեծամասնությունը Հայ Առաքելական Եկեղեցու հետևորդ է: Եկեղեցին կոչվում է հայ առաքելական, որովհետև այն հիմնադրել են Հիսուս Քրիստոսի առաքյալներ Թադեոսն ու Բարդուղիմեոսը: Հայաստանը Քրիստոնեությունը որպես պետական կրոն ընդունել է առաջինը աշխարհում` 301թ.: Եկեղեցու հոգևոր և վարչական կենտրոնը Էջմիածինն է, իսկ հոգևոր առաջնորդը` Ամենայն Հայոց Կաթողիկոսը: Հայոց առաջին կաթողիկոսը Սբ..Գրիգոր Ա Լուսավորիչն է (302–325թթ.), Հայոց հայրապետական աթոռի ներկայիս132-րդ գահակալը` Գարեգին Բ Ներսիսյանը (1999թ-ից):

Անդամակցությունը միջազգային կազմակերպություններին` Հայաստանը անդամակցում է ՄԱԿ-ին, Եվրոպայի Խորհրդին, ԵԱՀԿ-ին (Եվրոպայի անվտանգության և համագործակցության կազմակերպություն), Համաշխարհային բանկին, Արժույթի միջազգային հիմնադրամին, Վերակառուցման և զարգացման եվրոպական բանկին, Առևտրի համաշխարհային կազմակերպությանը, ՍԾՏՀ-ին (Սևծովյան տնտեսական համագործակցության կազմակերպություն), ՄԱԳԱՏԵ-ին (Միջուկային էներգիայի միջազգային գործակալություն), Ինտերպոլին (Միջազգային քրեական ոստիկանություն), ԱՀԿ-ին (Առողջապահության համաշխարհային կազմակերպություն), ՅՈՒՆԵՍԿՕ-ին և այլն:

Դրամական միավորը՝ դրամը։ Ազգային տարադրամի փոխարժեքը` հայկական դրամի, որոշվում է ամերիկյան դոլլարի, եվրոյի, ռուսական ռուբլու և այլ տարադրամների հարաբերակցությամբ:
Արտարժույթը` Ազգային տարադրամի փոխարժեքը` հայկական դրամի, որոշվում է ամերիկյան դոլլարի, եվրոյի, ռուսական ռուբլու և այլ տարադրամների հարաբերակցությամբ:

Արտարժույթի փոխանակում` Արտարժույթի փոխանակում կարելի է կատարել քաղաքի բազմաթիվ փոխանակման կետերում: American Express, Visa, Euro/Master Card այս կրեդիտ քարտերը ընդունվում են բոլոր հյուրանոցներում, խանութներում և ռեստորաններում: Տարադրամի ընթացիկ փոխարժեքներին կարող եք ծանոթանալ այցելելով ՀՀ Կենտրոնական Բանկի պաշտոնական ինտերնետային էջը` http://www.cba.am:

Բանկերը` Բանկային համակարգը ղեկավարվում է ՀՀ Կենտրոնական Բանկի կողմից: Այստեղ գործում են տեղական և միջազգային բազմաթիվ բանկեր, որոնց մասնաճյուղերը կարելի է գտնել ամենուր` Երևանում և Հայաստանի բոլոր մեծ քաղաքներում:

Հեռախոսը` Երկրի կոդը - 374, Երևանի կոդը -10: Երկրից դուրս զանգելու համար անհրաժեշտ է հավաքել 00 + զանգվող երկրի և քաղաքի կոդը + հեռախոսահամարը: Հայաստանում գործում են երեք բջջային օպերատորներ` BEELINE, ORANGE, VIVACELL:

Փոստային համակարգը` Փոստային համակարգն աշխատում է ամեն օր` ժամը 9–ից 19-ը: Երևանում ամենուր կան փոստատներ, որտեղ փոստային ծառայություններից օգտվելուց բացի,կարելի է ձեռք բերել միջազգային զանգերի համար նախատեսված քարտեր: Երևանում գործում են նաև արագ փոստի այնպիսի ծառայություններ, ինչպիսիք են UPS, DHL, Federal Express and TNT Express Worldwide.

Տրանսպորտը` գործում են հետևյալ տրանսպորտային միջոցները.
Մետրո Երևանյան` մետրոն ձգվում է մեկ ուղղությամբ և ունի 11 կայան: Ուղեվարձը 50 դրամ է:
Ավտոբուս Երևանում` ավտոբուսի ուղեվարձը 100 դրամ է: Երևանից դուրս դեպի մյուս քաղաքներ ուղեվարձը սկսվում է 250 դրամից:
Երթուղայինտաքսի` երթուղային տաքսիները միկրոավտոբուսներ են, որոնց ուղեվարձը Երևանում 100 դրամ է, իսկ Երևանից դուրս` ըստ հեռավորության:
Տաքսի Գործում են բազմաթիվ տաքսի ծառայություններ, որոնց 1 կիլոմետրի ուղեվարձը մոտ 100 դրամ է: Իսկ փողոցում պատահական տաքսիների ուղեվարձը ֆիքսված չէ և սակարկելի է:

Վիզա` երկիր մուտք գործելու համար անհրաժեշտ է մուտքի արտոնագիր, որը կարելի է գնել նաև օդանավակայանում` ժամանման պահին: Այս դեպքում վիզան արժե 30 ԱՄՆդոլլար և տրվում է 21 օրով: Անհրաժեշտության դեպքում վիզայի ժամկետը կարելի է երկարացնել ՀՀ Արտաքին Գործերի Նախարարությունում: Վիզան կարել է ձեռք բերել ժամանումից առաջ` ՀՀ Արտաքին Գործերի Նախարարության պաշտոնական կայքում:

Թռիչքը` Հայաստանի գլխավոր օդանավակայանը Զվարթնոցն է և գտնվում է Երևանում: Եվս մեկ օդանավակայան գտնվում է Գյումրի քաղաքում:Տեղական և միջազգային մի շարք ավիաուղիներ իրականացնում են չվերթներ դեպի Երևան և Երևանից դեպի աշխարհի բոլոր անկյուններ:

Ժամային գոտի` ըստ Գրինվիչի գոտու Հայաստանը +4 է, գտնվում է Մոսկվային հավասար ժամային գոտում, Եվրոպայից առաջ է 2 ժամ, 8 ժամ Ամերիկայի արևելյան ափից և 11 ժամ արևմտյան ափից: