TASTY TOUR Ճամփորդական  Ընկերության զբոսաշրջային ծրագրերի շարքում առանձնահատուկ տեղ են գրավում խոհանոցային, գյուղական և ազգագրական տուրերը, որոնց ընթացքում պտղատու այգիներում բացված սեղանների շուրջ նստելուց առաջ, զբոսաշրջիկները կարող են ծանոթանալ հայկական գյուղի կյանքին, հայ կնոջ խոհանոցային գաղտնիքներին, ավանդույթներին ու սովորույթներին: Կարող են համտեսել ոչ միայն ազգային ճաշատեսակներ և խմիչք, այլև` մասնակցել խոհարարական տարբեր գործընթացներին, ինչպիսիք են` լավաշ, գաթա թխելու արարողությունը, ավանդական կերակրատեսակների, մրգի տարբեր տեսակներից ու պտուղներից չրերի, հյութերի և մուրաբաների պատրաստումը, տնական գինիների և այլ ոգելից խմիչքի պատրաստումը և այլն: Թոնիր կարող ես ինքդ վառել, խմորի հետ գործ ունենալ ես ուզում, խնդրեմ, տանտիկնոջ օգնությամբ կարող ես գնդել խմորը, գրդնակել, ավելի մոտիկից զգալ թոնրի պատերին եփվող լավաշ հացի ու ավանդական կերակուրների բույրը:
  

Մենք մեր նախնիներից ժառանգել ենք հարուստ և բազմազան խոհանոց, խոհարարական   գոհարներ` ուտեստներ, և ինչպես ժողովուրդն է ասում` ավելի լավ է մեկ անգամ համտեսել, քան` հազար անգամ լսել:

«TASTY TOUR» Ճամփորդական Ընկերությունն առաջարկում է տուրերի բազմազանություն, իսկ դուք ձեր հանգստից քաղեք բավականություն: